岑日珈戴帽遮脫髮：驚冇得救！

藝人岑日珈前晚出席韓國電影首映活動，大騷長腿弗爆身材，講到相隔一年再推出新歌《Time to go》，再加上拍攝戲劇，令她大呻有無形壓力，日前洗頭時更驚見甩頭髮：「見到『執』頭髮好驚，隔咁耐先出歌都好緊張。（驚躁鬱症復發？）應該唔會，依家做多咗運動，淨係好驚脫髮冇得救，都有滴啲防脫髮精油補救，開始覺得稀少，所以都戴帽。」
岑日珈推出新歌兼拍劇，大呻壓力大。
岑日珈推出新歌兼拍劇，大呻壓力大。

同場的楊埕表示鍾情韓劇，自認曾有一段時間迷過「Oppa」：「覺得佢哋好有吸引力，着衫又靚，又體貼，但我契家姐、契媽都係韓國人，佢哋就成日話唔好搵韓國嘅男仔，花弗又大男人，仲話香港男仔幾煞食。之後我去多咗韓國，都明白佢哋意思，所以都係做朋友。」

楊埕愛煲韓劇，更曾迷上韓男。
  • 楊埕愛煲韓劇，更曾迷上韓男。