周柏豪髮線後移喊驚！

藝人周柏豪昨日出席眼鏡店開幕，他透露10年前做了矯視，但最近發現睇嘢有點朦：「唔知係咪近視翻發定有老花。（對得電話多？）係！因為要覆Message。」他笑言不怕有老花：「我驚有皺紋或甩頭髮多啲，所以食好多Supplement。（覺得髮線開始後移？）少少啦！」他慶幸爸爸多頭髮，但就有大肚腩，故希望扭轉遺傳基因，現時日日食沙律。他又笑言接受不到變老，但要調整心態，將來亦不會微調。