朱茵又有「細路」囡囡翻醋埕
朱茵與張繼聰等前晚在銅鑼灣出席主演驚慄片《古宅》首映，朱茵獲老公黃貫中捧場，但沒帶女兒同行，因她愛呷醋：「畀佢知我做人哋阿媽，會好大打擊，平時抱人哋啲BB都唔得，驚影響佢弱小心靈。（生多個？）睇天意。」朱茵一家三口拍攝的內地真人騷傳播映受阻，她說：「唔清楚幾時播，好期待，好想睇老公點湊女。（傳有千萬酬勞？）要問公司，幾多錢都好，係好難得嘅紀念。以前兩父女關係未有依家咁好，佢會畀個女嫌棄，但自從拍完就好信任爸爸，呢個係我哋家好重要嘅Memory。（有人覺得節目消費小朋友？）我只可以話好期待去睇。」
張繼聰笑囝囝蠱惑
至於張繼聰則自爆早於讀演藝學院時，已視「師姐」朱茵為女神，又笑指不會帶兒子睇新片：「佢好蠱惑，成日叫我帶佢睇恐怖片，跟住話瞓唔着，第二日唔返學，佢好識『射波』！」此外，談及電影《紅海行動》代表香港角逐奧斯卡「最佳外語片」提名惹質疑，同場的黃百鳴說：「見仁見智，唔方便畀意見。」
