陳展鵬單文柔做家務猜包剪揼

陳展鵬日前宣布與單文柔（Phoebe）結婚，婚禮將於10月13日舉行，並在四季酒店擺酒，兩人的擬結婚通知書曝光，登記地址一樣，可見已進入同居生活！展鵬昨晚單拖出席活動，被問是否已同居？他說：「唔係嘅，入紙時要寫低地址做聯絡，唔係代表啲咩。」去年他擲千萬以媽媽名義購入將軍澳一個單位，問到婚後是否與母親同住？他稱涉及私隱問題，現在最重要是搞好婚禮，再問是否同居試婚？他說：「咩年代？呢個係好嘅電影題材嚟嘅，其實最緊要相處舒服，個地址唔代表咩。」談到婚後的家務分工，他笑言誰有時間就誰做，若兩人都忙，就猜包剪揼決定。