兄弟屈請歐遊 陳小春：唔好咁銅臭味啦！
陳小春近日忙於為演唱會綵排，未能與鄭伊健、錢嘉樂等四出為電影《黃金兄弟》謝票，故前晚慰勞宴時被屈請歐遊補數，小春無奈答應，曾志偉則扮小春兒子Jasper拋金句笑說：「Don't angry！」笑爆全場。
監製曾志偉、導演錢嘉樂、演員鄭伊健、陳小春、謝天華及林曉峰前晚在元朗為電影舉行慰勞宴，慶祝中港票房超過2.3億人民幣（約2.65億港元）。大會為9月生日的鄭伊健和林曉峰送上蛋糕慶生，此外，志偉好友佘詩曼甫落機就趕來支持，出錢出力帶備現金給台前幕後抽獎。
「最愁啲錢唔知點使」
伊健與眾演員四出謝票時送風褸兼騷肌，唯獨陳小春近日未能出席，他解釋並非只顧賺錢：「我唔係咁銅臭嘅，因為11月開個唱，得一個月時間要練歌。」問可會邀請兄弟做嘉賓？他笑說：「依家搞緊流程表，睇吓點塞入去。」問到如何報答一班兄弟瞓身謝票？伊健提議小春除衫，嘉樂則謂要抽佣，小春笑說：「你哋唔好咁銅臭味啦！」有人提議請兄弟們歐遊，志偉說：「對小春嚟講小事，佢最愁啲錢唔知點使！」又搞笑扮小春兒子Jasper拋金句說：「Don't angry！」小春在群情洶湧下無奈答應，志偉再爆笑說：「What's wrong with you, Daddy？」
錢嘉樂做「宗師」接班人
志偉指最開心不是票房有多少，而是電影有口碑勝於一切，也多謝兄弟們不停跑戲院謝票：「每次都係突擊謝票，大家嘅反應係冇諗過咁好睇，話港產片返嚟啦！」嘉樂則被成龍、洪金寶、袁和平、元彪四位宗師大讚是接班人，他笑說：「真係諗唔到佢哋同一時間讚一個人，壓力好大，係我中秋節、亦可能係我一生最好嘅禮物。」志偉笑說：「佢哋四個一向好口密，係自發嘅，證明佢哋好錫你。」