吳若希遭背叛刁難老公大報復
歌手吳若希去年10月結婚，一直與老公何兆鴻十分恩愛，昨日卻自爆當年曾被對方欺騙，令她在懷孕期間事事刁難來報復，惟最終都被老公誠意打動，慢慢和好如初！
吳若希（Jinny）昨日在電台宣傳新歌《為何你會背叛我》，受訪時她有感而發，重提當年被老公（當時男友）欺騙一事：「我對感情好認真，當時好似女偵探咁，畀我知道一啲嘢，好記得我拍緊嘢，企喺（電視城）一廠門口不停打電話。」
唔敢講走到最後
她直言就算懷孕期間，仍然對此事未能釋懷，事事針對老公：「我好癲、對佢好衰，試過朝早6點要食炒飯，同埋間屋未住過唔鍾意，佢即刻答應再搵過地方。佢做咗好多嘢，真係對我好好。（即係囡囡幫咗爸爸，等你哋修好？）都算o架。（經歷咗咁多，有信心走到最後？）咁又唔敢講，希望係啦，嚟緊唔知發生乜事，但依家我好享受呢段關係。」
隨時再做馬主
提到日前現身馬場支持愛駒，Jinny說：「同朋友夾份，係我第一匹馬，佢出賽我會盡量現身支持，不過佢依家最叻都係跑第四！」她直言要看屋企情況，若果可以，會再夾份買一隻，問她是否很喜歡馬匹？她說：「我係好鍾意動物，馬好有鬥心嘅話，我睇到會開心。」