梁漢文沙律玩一夜情
藝人梁漢文與張沛樂（沙律）參演網劇《蝕日風暴》，飾演大反派的梁漢文背叛恩師秦沛及女友，與沙律「壁咚」兼發生一夜情！他為角色下了不少工夫，並參考任達華在劇集《新紮師兄》演繹的奸角，他說：「其實做奸角好好玩，不過媽咪就比較反感，佢問我點解要接呢個角色，擔心我出街畀人鬧！不過我同佢講，依家時代唔同，我都想博出街畀人鬧呀！」
至於沙律笑言一夜情床戲點到即止，但拍攝時亦非常緊張︰「我喺床上只係用被單冚住身體，雖然裏面有打底，但因為要郁動都怕走光，經常就住就住又怕交唔到戲，好彩最後都順利完成！」她坦言不介意有更激的演出，底線是不全祼或意淫。
