陳果情慾片東京爭獎
陳果執導的新片《三夫》入圍《第31屆東京國際電影節》主競賽部分，將與世界各地的電影爭奪各個獎項。由曾美慧孜 （小美）及陳湛文主演的《三夫》，是陳果繼《榴槤飄飄》及《香港有個荷里活》後的妓女三部曲最終篇，陳果接受本報訪問時說：「套戲仲未過電檢，但以香港電檢尺度愈來愈保守及封閉，三級係走唔甩。」問到拍情慾片有否難度？他說：「我唔係第一次拍，冇乜困難，反而第一次拍唔正常嘅情慾片就有困難。」
至於得獎信心有幾大？陳果說：「女主角小美好努力，我當然睇好佢，通常影展高手甚多，佢嘅演出絕對唔一般，我好期待佢會贏！（你自己呢？）攞獎個個都想，都有信心，以戲論戲，用香港片嚟講算有突破，因為拍攝程序極有難度。」
此外，姜皓文及惠英紅主演、以跨性別為題材的電影《翠絲》，亦入圍另一主競賽單元，姜皓文得悉入圍後坦言心情複雜。而導演關錦鵬及男星渡邊謙的演員前妻南果步，將有份擔任評審。