懶理舊愛放閃 方力申佳節不愁寂寞
擁有白族血統的藝人方力申（Alex）昨日身穿傳統民族服飾，以形象大使身份出席粵港澳大灣區青年節暨孔聖誕日活動，全場2,252人成功創下同時以隸書寫「儒」字的世界紀錄。Alex表示活動甚有意義，可以一齊上書法堂，又笑言自己最叻寫「草」書。講到舊愛鄧麗欣頻頻網上放閃，中秋可會每逢佳節倍「寂寞」？他即表示不愁寂寞：「都冇留意佢放閃！（唔想留意？）唔係，我都冇Unfollow佢，現時係人生最開心時刻，有鍾意嘅工作、副業，家人又健康！」
同場的JW（王灝兒）、吳業坤與布志綸（Alan）擔任打氣嘉賓，重提「踢爆」坤坤的「前度」是好友何超蓮一事，JW即急忙澄清只是說笑，還絕不支持對方追超蓮。講到近日拍戲獲「男一」待遇，坤坤則自嘲只是最慘的「包艇」！得知好友陳柏宇剛榮升做爸爸的Alan，興奮指想約食飯分享湊BB心得。
