賴嘉瑩露墊凸腩大煞「峰」景
香港賽區的10位候選亞姐昨日齊集佛山拍攝泳裝外景，當中賴嘉瑩的C Cup相當「胸湧」，但不慎露出「缽仔糕」扣分；年紀最小的傅美霖「處女下海」相當緊張，不忘多謝母親給予天賦本錢。
《2018亞洲小姐競選香港賽區決賽》將於10月7日假亞洲電視數碼媒體（亞視）總台隆重舉行，10位候選佳麗昨日拉隊到佛山拍外景，期間首度以三點式泳裝示人。賴嘉瑩（Karen）、傅美霖（Angel）與李芷菱（Camilla）身材澎湃最為出眾，但賴嘉瑩凸肚兼露「缽仔糕」，認真失策，難怪她受訪時亦自言不太滿意身材：「有少少肚腩，希望嚟緊爭取時間減肥。（減腩定谷胸緊要？）兩樣都要，我依家有C Cup，比賽嗰陣再塞多兩個『缽仔糕』入去，咪變E囉！」
傅美霖「處女下海」勁緊張
年僅19歲的傅美霖表現略嫌緊張，她坦言第一次以泳裝公開示人：「平時我去沙灘或者泳池，都會外面加T恤同沙灘褲，所以依家有啲緊張囉！（身材出眾喎！）我身材係唔錯嘅，但仲有好多地方要改善，例如線條，希望遲啲練到馬甲線。（對上圍感滿意？）當然滿意，媽咪賦予o架嘛！不過我今日食咗好多嘢，午餐仲要食自助餐，完全唔記得咗要着泳衣囉！」至於李芷菱表現相當大方，任影唔嬲：「平日去沙灘都係咁，況且我做模特兒都有影過泳裝。」她又自誇笑容親切，希望以親和力「突圍而出」。
張靜茵大熱跌Watt
反觀一直被視為大熱的張靜茵（Anita）昨日突然跌Watt，只以一襲較密實的泳裝上陣，與幾位「胸湧」佳麗站在一起比較失色，惟有靠邊站，對此她說：「我嘅賣點唔係性感嘛！覺得選擇合適自己嘅泳衣比較重要，我冇同其他佳麗比較，做好自己就得。」
