陳柏宇係咁喊唔敢剪臍帶
歌手陳柏宇的太太符曉薇昨日剖腹誕女，他在社交網站上載一家三口的合照公布喜訊，更直認忍不住爆喊！
現年35歲的歌手陳柏宇（Jason）去年迎娶符曉薇（Leanne），今年便迎來首個愛情結晶品。BB女昨天出世，新手爹哋Jason即大晒全家福興奮報喜，並留言：「我一見到佢就忍唔住喊。Abigail, i choose u!!! （throws out pokeball）」隨即為女兒Abigail開了Instagram帳戶，並上載BB正面照跟大家打招呼！
北上登台撞正老婆出院
Leanne接受本報電話訪問時透露是剖腹分娩，BB重5.2磅，預產期原定下月19日，現時BB提早出世，令她大感突然：「好感動、好開心、好興奮！BB一出世，我哋兩個係咁喊，但好神奇，BB一見到柏宇就收聲唔喊，剪臍帶時，估唔到平時好大膽嘅柏宇都唔夠膽剪。」她又指現在最徬徨是她出院那天撞正老公要返大陸中山開演唱會，故擔心沒有人陪她出院及照顧BB。她又在社交網分享「媽媽心情」，搞笑留言：「今日開始陳生眼入面已經被另一個女人霸佔咗，已經唔記得老婆姓乜。」
至於Jason坦言心情激動、開心又感動：「見到BB我就喊喇！好得意，係咁望住佢，好唔想放手。」講到太太發愁出院當日他不在身邊，Jason即笑說：「唔使擔心，實有人接到佢出院，稍後再作安排。」
