惠英紅懶理獎項只緊張收視
影后惠英紅、袁偉豪和蔡思貝等主演的劇集《鐵探》昨日播放宣傳片，劇力十足。惠英紅受訪時對劇集充滿信心，大讚水準勁，聽聞年底出街，但未能趕及年尾頒獎禮爭獎，她笑說：「關我事咩，我緊張收視多啲。」
她指拍劇時間不算長，每日規定10小時，但在大熱天氣下穿厚絨西裝拍冬天戲，相當辛苦：「我係『水人』嚟，好大汗，已經袋定好多紙巾抹汗，驚太大汗NG，拍完呢套劇反而肥咗，因為飲好多補充飲品，補充水分。」又指事前雖洽談好不拍打戲，但不乏追逐、跑九層樓梯及撞車戲份，她笑說：「有場戲要喺公主道衝出去，嗰一刻有被欺騙嘅感覺。」