馬國明打定輸數轉目標狂搵銀

無綫昨日在將軍澳電視城舉行TVB POWER「戲劇最強 好戲連場」記者會，介紹3套無綫51周年台慶劇包括《跳躍生命線》、《是咁的，法官閣下》及《兄弟》，以及3套即將推出的重頭劇《白色強人》、《鐵探》和《多功能老婆》，小生花旦包括王浩信、馬國明、唐詩詠、李佳芯、朱晨麗、蔡思貝等均有出席。

朱晨麗晒靚Body

王浩信、楊明、朱晨麗和劉穎鏇演出的《兄弟》動作場面連場，加上到英國及菲律賓拍外景，在台慶劇中最強及最有睇頭。問到可有信心冧莊視帝？王浩信說：「唔敢諗，我又唔覺得係最強，仲有好多套重磅劇，要等出咗街觀眾鍾唔鍾意，支唔支持，希望套劇攞『最佳劇集』獎項。」問到想不想冧莊視帝？他笑說：「一路都唔抗拒獎項，希望畀到觀眾新鮮感。」至於朱晨麗在《多功能老婆》中除了晒泳裝騷身材外，還與洪永城激咀，甚有睇頭。

王浩信（右）與楊明宣傳《兄弟》，不諱言恨冧莊視帝。	視后唐詩詠打扮靚靚亮相。	蔡思貝以低V裝現身。

去年與視帝擦身而過的馬國明被網民封為「佛系演員」，無欲無求，問到今年可渴望攞視帝？他笑說：「想要錢多啲，希望公司聽到，錢實際啲，我唔係佛系。今年都冇劇出，《宮心計2深宮計》都唔知係主角定配角，不過冇失望，可唔可以申請頒獎禮唔返，出去搵錢，冇獎品梗係要獎金，我嘅目標好清晰。」提到早前與女友黃心穎去蘇梅島旅行，他笑謂為女友操刀影相，雖然還有被鬧拍得不好，但已經有進步，此行亦沒有談婚事。

朱晨麗在《多功能老婆》中晒驕人身段。	洪永城和朱晨麗在劇中錫到嘴都歪。	朱晨麗

李佳芯封后睇時勢

同場的李佳芯亦趁機呻窮，表示拍到喜歡的作品及賺到錢已感滿足，問到可有信心憑劇集《BB來了》封視后？她說：「咁辛苦拍完一套劇，一定要對自己有信心，到時要睇吓時勢、公司，冇得計算。」