倫永亮笑老友白頭浪子
倫永亮與潘源良相識超過30年，曾於同一間唱片公司共事，對於好友在多倫多再婚，倫永亮昨日受訪時愕然說：「嘩，我睇你哋報道先知，等我WhatsApp恭喜佢，等佢返嚟再食飯。」他跟阿潘一年聚一次，只談音樂不談私事：「我一直以為佢同李麗珍，上次佢一個人嚟，就估佢哋分咗手！（覺得一對新人合襯？）任何女人都靚過佢，我最憎佢束頭髮，扮浪子，又唔知頭髮白晒，好想叫佢剪頭髮。」
蔡卓妍（阿Sa）去年在加拿大參與阿潘執導的英皇電影《聖荷西謀殺案》，看報道才知對方結婚的她送上祝福：「我唔肯定有冇見過佢太太，但都恭喜佢。」而歌手李幸倪（Gin Lee）去年邀得潘源良為她寫《緣．兩半》一曲，原來正是他紀念與太太的一段關係，她說：「好開心佢哋有情人終成眷屬，首歌好感人，祝福潘Sir同Rita永遠幸福『緣』滿！」
