洪卓立為打機碌爆卡

歌手洪卓立、陳柏宇（Jason）及組合Super Girls昨日出席「Lenovo x Yahoo 第二屆 『港澳台LEGION菁英賽』總決賽」，Ken自爆曾花費6位數字玩手機遊戲，回想起來深感後悔：「係第一次碌爆卡，電話打機好方便，打機真係無止境！依家冇打咁多，即使打都會好謹慎，唔會玩有『課金』（額外付費）嘅遊戲。」問到女友湯怡可有鬧爆？他得戚地說事後才坦白從寬：「咁啲錢我嘅，都冇講啲咩。」
洪卓立（左）與Rose Ma交流打機心得。
洪卓立（左）與Rose Ma交流打機心得。

快將榮升爸爸的Jason大爆與老婆符曉薇組隊打機易有口角：「打團隊有時要做輔助對方嘅角色，做得唔好就畀人鬧。」問到可有傾好分工來迎接BB？他自信心爆棚稱已有共識，一切準備就緒：「不過要做嘢到佢出世前，之後嗰個星期就唔做嘢。」

陳柏宇與老婆打機易嘈交。
  • 陳柏宇與老婆打機易嘈交。
Super Girls以黑色型格打扮亮相。
  • Super Girls以黑色型格打扮亮相。