傳畀吳若希蝦 麥美恩：係真心朋友
藝人麥美恩、譚杏藍昨午到迪士尼出席活動，一身復古打扮的麥美恩被問到外傳她與吳若希拍攝旅遊節目時，被對方耍大牌「蝦」，她說：「消息傳出時我喺美國旅行，咁我同佢真心係朋友，亦有喺群組講過呢件事，多謝拍檔森美喺專欄寫咗篇嘢幫手澄清。（私下會約吳若希食飯？）已經食過，想再約，等森美拍完劇先啦！」
早前她請父母到美國旅行逗留一周兼探親，笑言沒有艷遇：「同長輩一齊，冇啦，親戚都知我獨立，支持我全力向事業衝刺。」昨日其淑女Look相當討好，她說：「扮靚啲嚟見偶像米奇老鼠，其實之前都以復古造型拍咗個廣告，覺得自己外形可塑性好高。」
