曾上游怕醜搞到見醫生
模特兒曾上游在鏡頭前活潑好動，原來小時候較為內向，不擅與人交際，她說：「細個嘅時候真係好怕醜同慢熱，唔敢同陌生人講嘢，父母覺得我有啲奇怪，仲擔心我係咪有情緒病，後來睇完醫生先知係誤會一場。直至入行後對多咗鏡頭，個人變得大膽咗，開始愈嚟愈外向。」
游游自爆小學時期次次考試都包尾：「嗰陣冇乜同學陪我玩，所以鍾意睇電視消磨時間，搞到冇心機溫書考包尾。」不過有次意外考到好成績，終令她洗心革面，開始發憤讀書：「早年沙士時期，好多同學都冇心應付考試，反而畀我意外考到全班第一，真係好鼓舞！自此之後我努力讀書，考試冇再包尾，成績Keep住係全班頭10名。」
