Miko寫真攻港轉「露」線做打女

與林明禎同樣是「馬國女神」的Miko，近日進軍香港宣傳新寫真集，24歲的她擁有34C索爆身材，加上白滑皮膚及傻大姐性格，輕易吸納大批Fans。她直言下半年很多工作計劃都跟香港有關，例如會拍港產片，坦言自小已愛看港劇：「馬來西亞好多人都睇TVB，最深刻係《皆大歡喜》、《洗冤錄》同《尋秦記》，近年就鍾意《愛我請留言》，講愛情平淡得嚟好Sweet。（鍾意邊個演員？）黃翠如、岑麗香、劉佩玥都好有氣質。」受港劇薰陶下，Miko的廣東話說得相當不錯，連潮語「空肚食早餐」、「O嘴」及「講呢啲」都難不到她，亦鍾情港式地道食物：「好似咖喱魚蛋、燒賣、雞蛋仔、腸粉！」

騷半球全裸浸浴

平日Sell可愛的Miko，在寫真中性感大解放，真空上陣騷半球兼全裸浸浴，問到拍戲會否作性感演出，她表示不會刻意：「我比較想挑戰做打女，OK襟打o架！練咗泰拳一年，另外都想演浪漫劇情。」又指沒有刻意為拍攝寫真減肥，因當時Job接Job，壓力下自然消瘦：「有肉地方仍然有肉……例如塊面！」

對於被介紹做「林明禎同鄉」，Miko未有介意，讚對方形象健康甜美：「唔會唔開心，都有人話我哋某啲角度似，例如髮型同笑容。（轉髮型避佢？）唔會特別話搣甩似邊個，當我有作品自然有觀眾認識。」

寫真挑戰性感極限，騷「界外球」又全裸，粉絲噴硬鼻血！

放大圖片

Profile

Miko（黃潔琪）

年齡：24歲

身高：1米68

三圍：34C、24、33

Ig追蹤人數：56萬

場地：Penthouse Party

服裝：Emma Wallace

化妝：Yannis Yip

髮型：Kel Ching