黃又南夥拍視帝贏兩萬獎金
演員黃又南、羅家英與廖啟智等昨日出席ViuTV劇集《已讀不回》記者會，飾演神父的羅家英對白不多，笑言拍得舒服，與廖啟智有不少對手戲。問到太太汪明荃可有探班？他笑說：「我哋講明唔探大家班，大家多嘴唔想影響工作，如果要聽阿姐講，叫導演情何以堪呢！」他又透露燒傷的楊盼盼已無大礙：「佢右手燒傷，面就灼傷但唔會有疤痕，醫生擔心佢傷口感染，所以唔畀佢出院，同佢刮咗啲死皮，等生番啲新皮就可以出院。」廖啟智笑說：「火曉旺地，代表該片票房大賣，我都想畀火燒吓！」
而又南則指拍劇與新加坡「視帝」陳泂江結片緣成好友，早前一起拍綜藝節目贏得兩萬多獎金，部分捐予慈善機構，希望劇集開續集，兩人有機會再合作。