蕭正楠野外大解吊吊揈大樹先遮得晒

蕭正楠、姚子羚、洪永城及黃智賢昨日為無綫新劇《黃金有罪》試造型，眾人以七十年代打扮亮相，變成長髮的Edwin笑說：「好多前輩話我造型似西城秀樹同鄭伊健，仲問係咪伊健返咗嚟拍劇。」

Dry咗一排驚出事

而子羚則戴上假髮及眼鏡飾演Call台妹，透露稍後會與Edwin及曹永廉到瑞士拍旅遊節目，可趁機培養拍劇默契，但Edwin抵死地說：「我同阿廉都好擔心，子羚Dry咗一排，到時有乜事，我就會嗌唔好，阿廉就嗌停，唔好停！」

提到子羚早前到非洲看動物大遷徙，她稱是人生第一次，更在大自然中如廁，感覺好正。Edwin即分享拍劇時在戶外大解的經驗：「嗰次我大解到一半，有個旅行團喺我前面經過，我當時仲係吊吊揈。（有冇畀人睇蝕？）我前面有棵大樹遮住，因為草係遮唔晒。」

非洲艷遇唔怕「黑」

問到子羚在非洲有否艷遇？她坦言有個來自盧旺達的黑人導遊事後表示想念她們：「可以做住朋友先，個導遊有傳短訊話好掛住我哋，又問候我哋，但我哋冇覆佢。（接唔接受到外籍人士？）我唔怕『黑』，但唔想要咁大棵樹去遮住。」

姚子羚戴假髮及眼鏡變身Call台妹。

蕭正楠竟然自爆在戶外大解，真係估你唔到！

至於洪永城打趣指希望長髮造型可以吸引洗頭水廣告商，提到劇中與陳瀅有感情線，被指好正，他反問：「正咩？了解吓佢先，之前冇合作過，希望有合作火花。」黃智賢稱劇中飾演EQ低的富二代，對甚少發脾氣的他來說是個挑戰。