吳若希歸咎老公唔夠勤力！！

講到造人大計失敗，吳若希將矛頭直指老公。

吳若希（Jinny）昨日與衛蘭及鍾景輝到一間中學出席有聲書活動，Jinny認為用普通話錄有聲書不算難，亦不擔心女兒學習語言會遇到問題，又自認嚴媽：「佢仲細，講Hello會變Yoyo，成日講BB話，我問佢可唔可以講番中文。」問到何時再追小朋友？她直言冇咁快，更大爆：「試過唔得！試咗一個月就放棄咗。（咁快？）老公唔勤力都冇計。（投訴？）唔係，我同佢分隔異地，結咗婚同有小朋友之後少咗時間畀對方，有時BB瞓咗就會落街行個圈拍拖。講到自己好老咁，其實我仲係廿幾歲！」

• 早前受聲帶問題困擾的衛蘭，現已康復不少。

衛蘭諗定年底頒獎禮

衛蘭則坦言近來少出街，但會在家閱讀：「依家唔鍾意蒲。（好難識男仔？）都係，但冇所謂啦，遇到就遇到，唔會太計較，我身邊啲朋友都係旅行先遇到。（羨慕？）見到身邊人拍拖會畀到個希望我。」提到剛放完兩星期假，她透露正籌備關於信仰的新專輯：「好興奮！（把聲好番好多？）係呀，可能因為有得休息，好彩唔係生繭。」至於早前到內地演出，她表示10月、11月會再去，稍後就會集中香港的工作，但未決定會否出席年底的音樂頒獎禮。

至於鍾景輝表示剛拍完無綫新劇，有不少外景但不算辛苦：「佢哋安排啲時間好遷就老人家，我唔使太早開工。今次主要同黃心穎同張振朗做對手戲，佢哋都好照顧我。」並表示要為11月的演讀劇場作準備。