黃德斌爆龔嘉欣好事近
藝人黃德斌和龔嘉欣（Katy）昨日到尖沙咀出席活動，Katy指沉默寡言的德斌婚後變得開心活潑，問到德斌結婚後是否每朝瞓醒都更開心？笑容滿面的他笑說：「咁呢樣嘢永遠都要保持嘅！（稱呼唔同咗？）唔知有咩分別喎！都咁多年！（以前都係叫老公？）哈哈哈！」
Katy笑言以為德斌會派利是，即被德斌笑她「好狼」，其後她指對方睇住自己大，現在看到對方成家立室，德斌聞言說：「聽講你都就快成家立室！」嚇得她即時澄清：「咪亂傳呀！我唔急！」德斌再狙擊：「你夠膽話你冇人追？」她說：「近排冇！如果唔係，打風屋企水浸唔會冇人幫啦！都係叫鄰居幫手。（有冇單身男士？）冇呀！鄰居都係夫妻，或者係婆婆，可能要等佢哋啲孫大。身邊朋友的確有介紹畀我，但依家好忙，得閒先啦！」