緋聞男友何廣沛：我唔有錢，佢都揀我
朱晨麗與上位小生何廣沛（Matthew）拍攝劇集《超時空男臣》時傳緋聞，提起朱朱自言收過前男友所送的兩蚊手鏈，Matthew受訪時否認由他所送，並好奇反問：「完全冇聽過有兩蚊嘅手鏈，咁平唔係啩，出手咁『高』，我都係第一次聽，好想知係咩一回事，點解咁平！」
問到是否覺得朱朱是好女仔？Matthew即大讚說：「當然係，係個好女仔、好同事。（佢係咪好貼地？）我有同佢一齊食過飯，都係食得好正常，唔會食貴嘢，佢唔係拜金嘅人。我唔係一個有錢嘅人，咁佢都揀我做朋友，可以證明佢好貼地。」
另一緋聞男友黃子恆也認為朱朱是事業型女性：「佢投資畫廊又開酒吧，唔係一心想做少奶奶嘅人，我好欣賞呢啲女仔，有能力去發展自己嘅事業，而唔係只將重心放喺家庭。」