美國經典布公仔兒童節目《芝麻街》（Sesame Street）首播至今經已有49年，節目中的角色如大鳥（Big Bird）、艾蒙（Elmo）及餅乾怪獸（Cookie Monster）等相信好多人都識，其中畢特（Bert）和恩尼（Ernie）更一直被傳是同性戀情侶，而謎底終於解開！
1984年開始加入《芝》大家庭的編劇Mark Saltzman，受訪時證實這兩個布偶是同志情侶！本身是同志的Mark更指兩個角色的關係是根據他與電影剪接師男友Arnold Glassman的關係寫成，他是恩尼，男友就是畢特。
不過，《芝》工作室發言人即否認：「以我哋一直嘅說法就係畢特同恩尼係好朋友，佢哋用嚟教育學前兒童，人係可以與截然不同嘅人成為好朋友。儘管佢哋被確定為男性角色，並具備好多人類特徵同性格，佢哋始終係布公仔，冇任何性取向。」