陳展鵬買定龕位畀老婆
藝人陳展鵬及單文柔即將拉埋天窗，而準新郎對未來陳太照顧有加，有報道指除去年擲千萬元、以媽媽名義購入將軍澳一個單位，作為二人婚後愛巢外，他早前更於沙田西林寺以逾二百萬購入十個龕位，為長輩們未雨綢繆，連快將入門的單文柔亦有份「受惠」！
單文柔接受電話訪問時，全程笑不攏嘴，但當談到龕位時，她坦言事前毫不知情：「我唔知畀乜反應好，展鵬冇同我提過，總之結婚係開心事，我就冇諗到咁長遠，依家只係諗緊婚禮點安排，自己只想做個最靚嘅新娘子啫，話晒一生人一次嘅回憶嘛！（係咪用二百萬買位呀？）我冇干預過佢呢啲嘢，或者你問完話番畀我知啦，我都想知，哈哈！」