林泳淘小背心惹投訴 肥媽:佢飲得奶多

藝人肥媽、林泳淘、游莨維(Joe)及胡諾言等前晚現身為一連十集的節目《大灣區 活好D》宣傳。林泳淘近期於節目《東張西望》內頻頻以小背心出鏡,其「逼爆」身材引來網民熱烈討論,又被「投訴」指會令人放錯「焦點」,肥媽聞言即為她護航:「都話佢飲得奶多,有身材點解唔畀人睇啫?咁嘅年紀唔畀,幾時畀?」林泳淘即感謝肥媽幫手解圍︰「每次講起都好尷尬,之後可能着多件外套。」講到節目主要介紹大灣區吃喝玩樂兼四處睇樓,曾自爆拍攝期間即場「扑槌」買樓的肥媽再爆原來Joe亦有份買︰「我同佢都買一層,為15個孫,依家買咗3層努力中!」