關嘉敏百搭「飯堡」夠焦香

東網巨星節目《星級煮意》廣邀一眾影視紅星、名人及歌手親自下廚，先後已有超過七十人親身上陣示範中西美食、湯水及甜品，今集請來身兼模特兒的女子組合Bingo隊長關嘉敏（Carman），教大家炮製方便健康的「飯堡」。作為跳唱藝人，Carman體力消耗大，要適時進食補充體力，她指「飯堡」製作簡單，先將白飯填入模具壓實成為飯堡，將兩塊飯堡煎香並掃上醬汁，再加入炒香的肥牛，連同生菜、番茄放入飯堡內便搞掂，又表示可按照每日不同心情配搭食材：「用飯取代麵包，漢堡包當然會有齊肉、生菜同番茄，呢啲都係我鍾意食嘅！大家鍾意食咩都可以加入去，自由組合，係好方便又多變化嘅食品！」