傳奇英國樂隊披頭四（The Beatles）成員保羅麥卡尼（Paul McCartney）近日接受《GQ》雜誌訪問，大爆與隊友年少輕狂的「性事」，成班老友在已故成員約翰連儂（John Lennon）寓所開P時齊齊自瀆做「飛機友」；而約翰與有夫之婦交歡時，對方老公更在場「觀戰」！
76歲的保羅在訪問中憶述少年時的美好時光，包括曾於約翰家中狂歡：「我哋冇爛醉狂歡，只係一班朋友坐喺櫈上，之後熄咗燈，有人就開始自瀆，咁我哋就一齊嚟。」他指眾人輪流大叫當紅性感女明星的名字，例如有人大叫「法國性感小野貓」碧姬芭鐸（Brigitte Bardot）的名字，大家就會「加把勁」，不過約翰勁玩嘢，無喇喇大叫前英國首相邱吉爾（Winston Churchill）名字，破壞氣氛！保羅又表示年少荒唐的歲月是美好回憶：「你睇番細個時做過嘅好多嘢，會問番自己『我哋真係咁做過？』但只係貪玩冇害嘅樂趣，冇傷害任何人，包括碧姬芭鐸。」他更親證曾為隊員佐治夏里遜（George Harrison）破處而熱烈慶祝，堅係好兄弟！
他亦有回應披頭四巡唱時期與跟隨他們出巡的粉絲雜交的傳聞，坦承有與粉絲發生關係，但自言唔鍾意雜交：「我唔想有其他人喺度，破壞晒（個氣氛）！」但亦自爆曾玩「3P」：「有次去拉斯維加斯，有巡唱工作人員問我哋召唔召妓，個個都話好，我就要求『起雙飛』！」保羅更大方Share當晚是個好正的經歷，又指其他成員好似玩得更癲，再爆約翰曾與有夫之婦交歡：「佢當時仲發現女方個老公在場睇緊……所以我認為約翰比我嘅經歷更豐富！」
除了「性事」，保羅也講到有關約翰曾迷上古代開顱術的古靈精怪傳聞，他表示隊友早年全部都睇過有關開顱術幫助治療偏頭痛及釋放大腦壓力等報道，而約翰真的曾提議隊友於頭骨鑽洞，但最後被他一口拒絕。向來為動物權益發聲的保羅亦未有隱惡揚善，自爆年少時曾殺死好多青蛙，殘忍行為教壞小朋友！