陳奕迅唔夠喉求合唱「珊」歌

陳奕迅壓軸登場，全場歌迷尖叫聲不絕。

林珊珊四度獨白

久未公開獻唱的Eason壓軸登場，深情獻唱《深愛着你》，唱畢後自爆當初揀歌時主動向大會要求「加碼」，其後與音樂拍檔符致逸（Adrian）合唱《未唱的歌》，繼而大賣關子說︰「唱片公司好尊重我，話可以同佢唱，我話如果唔得就自己打去求佢，因為呢隻歌錄咗碟之後都應該未唱過，甚至連Danny喺台上都未唱過Live，點知佢好肯唱，好多謝佢！」隨即奏起《再見Puppy Love》音樂，與Danny同為原唱的林珊珊驚喜現身，台下觀眾興奮得全部站起大合唱，將現場氣氛推至最頂點。

與Danny情同閨蜜的林珊珊當晚四度擔任獨白角色，分享不少二人的往事，包括她初任DJ與對方做訪問，其後成為好友後經常傾心事：「跟住仲同一間唱片公司，那些年，我哋溝通嘅方法係見面同煲吓電話粥。當年佢寫咗《戀愛預告》畀我，令我成為偶像歌手，佢都好鍾意呢一首歌，曾經話要作一個陳百強嘅版本，有不同嘅演繹、不同嘅味道。」

林珊珊與陳奕迅合唱《再見Puppy Love》，掀起全晚高潮。	陳百強逝世多年，依然活於粉絲心中。	Gin很榮幸參與紀念騷。

關淑怡視為白馬王子

至於穿黑色絨毛大褸的關淑怡分別唱出《煙雨淒迷》及《漣漪》，之後她自爆視Danny為白馬王子︰「佢係我嘅童年回憶，同埋佢所有嘅歌都係我心目中經典之中嘅經典，冇人可以代替。」原本有份演出的盧凱彤不幸8月初墮樓離世，原定她獻唱的《今宵多珍重》安排由周殷廷及Adrian代唱。

AGA深情獻唱陳百強的經典歌。

關淑怡指陳百強冇人可取代。