約大仔食飯盧惠光帶女友放閃

盧惠光與大仔飯局，梗預埋女友Phoebe。

曾經有過一段婚姻的盧惠光，1998年與亞姐黎淑賢結婚後育有兩子，但因意見分歧，最後於2006年離婚，兩名兒子盧俊諺（Jacky）和盧俊希（Jovan）撫養權歸他所有。回復單身的他，翌年邂逅「牛仔褲之花」Phoebe，二人年齡雖然相距一大截，但無阻這段「父女戀」的發展，兩名兒子與這位「姐姐」亦相處融洽，作為「帶子洪郎」的他，在沒有壓力下，得以造就這段細水長流的感情延續，對尚有一年便「登六」的光大叔來說，與Phoebe感情維繫至今，實屬難得。

開心就得 唔使結婚

在英國留學的18歲大仔Jacky早前放假返港，經常與父親飯敍和做運動。日前兩仔爺食日本菜，Phoebe亦在場，三人更開心合照，光大叔即在社交平台「放閃」，引起不少網民關注。現年35歲的Phoebe皮膚白滑，笑容甜美，難怪讓光大叔情傾多年都保持初心，感情日日如拍拖般甜蜜。問到會否拉埋天窗？盧惠光昨日回覆：「我同佢一齊11年喇，開心咪得囉，唔使結婚嘅！（同兒子相處如何？）好好呀！以前都唔錯，今次大仔喺英國返嚟，都特登話要約食飯，其實都咁耐，大家都有感情！」

盧惠光與Phoebe齊齊邊食邊自拍。

貴為四子之母，黎淑賢依然省鏡。