陳山聰：唔怪得佢春風滿面！

「鵬單」昨日宣布婚訊，不少圈中人送祝福，去年與展鵬合拍《同盟》的陳山聰及鮑起靜大表興奮，山聰連續講了三次恭喜：「唔怪得之佢呢排春風滿面！我私下都有見過佢，但一啲先兆都冇，能夠搵到自己人生另一半，戥佢高興。（幾時到你？）慢慢啦！唔使心急，又唔係要生仔。」而「阿媽」鮑起靜則反問記者：「Really？真係好開心，特別係佢比較內向，做佢女友或老婆要好好錫佢！（見過未來新抱未？）未，但有同我提過，估唔到咁快結婚。（想抱孫？）佢結得婚應該有呢個諗法。」並指展鵬如今事業有成兼成家立室，若然生埋小朋友便完美！