吳岱融伴父走最後時光

藝人吳岱融、羅鈞滿等昨日出席足球活動,挑戰蒙眼踢足球,吳太鍾淑慧前來捧場。日前丁父憂的吳岱融心情大致平復,並透露父親因癌病離開:「佢堅持咗一段時間,因為年紀大選擇唔去醫院,佢係開心咁過咗最後一段時間,好彩妹妹趕得切返嚟,雖然爸爸當時已無意識,我知佢感覺到我哋三兄妹陪佢走埋最後一段路,要多謝呢段時間關心我嘅朋友。」