李焯寧推內地騷怕招呼老細

有「金牌丫鬟」之稱的藝人李焯寧（Karen），去年在《使徒行者2》的雙重臥底角色備受網民追捧大讚索，一洗丫鬟味，今次更豁出去為本報首次影水着相，大騷本錢。現年38歲的她身材弗爆，笑言已非十八廿二，所以每日都堅持做一小時運動，但卻暫無意影寫真：「將來大肚會影大肚寫真。」

提到「金牌丫鬟」這個外號，可能初入行時在劇集《金裝四大才子》中的丫鬟角色太過深入民心，她笑言已經冇做丫鬟多年，對這個稱呼並不反感，但亦不太同意：「有人記得係好事，但人大咗，可以試唔同路線嘅角色，唔好淨係呢樣嘢。（肯唔肯再演丫鬟？）如果導演唔介意有個30幾歲嘅丫鬟，我唔介意做，但可能要轉做嬤嬤！」

現以自由身接Job的她，不時在內地登台，問到會否怕應付「潛規則」？她笑言：「之前試過接內地騷，話想搵我唱歌，差唔多傾好晒，對方突然改口話只係唱畀佢老闆一個人聽，我即時拒絕咗。」除了幕前工作，Karen又開公司做活動策劃，最近更投資六位數代理法國的唇彩品牌。