瞞囡囡搞夜間活動 錢嘉樂：細細聲咪得！
藝人錢嘉樂昨日以大使身份到旺角出席籌款活動，與花式跳繩隊挑戰跳繩，身為動作演員的他亦直呼「喘晒氣」！問到女兒對跳繩可有興趣？他說：「最近買咗兩個放大鏡畀佢去研究植物，之後都想帶佢哋學啲社會責任，或者去執垃圾。（喺屋企有幫手執嘢？）唔搗亂已經係幫忙，成地都係玩具！」
嘉樂自爆為陪小朋友早睡早起，晚上7點半便要扮瞓覺：「因為佢哋6點半上校車，咪陪佢瞓再起身夜間活動。（有咩夜間活動？）諗吓劇本咁，細細聲咪得！」又自言已戒夜蒲，心急回家見寶貝：「我都會接佢哋放學，喺校巴站匿埋，佢哋發現會錫啖我！」
