郭晉安腳震唔認老楊怡升姨級

郭晉安與楊怡齊齊被「嗌錯名」，笑言已糾正粉絲的讀音。

郭晉安、楊怡、林文龍與周勵淇（Niki）等昨日出席無綫劇集《再創世紀》宣傳，席間分成兩組玩估字遊戲，林嘉華更投入到瞓晒地！其後，演員抽出現場粉絲上台玩遊戲，當林文龍讀出數字時，貪玩的安仔與阿怡不斷把號碼紙拉近又拉遠，並取笑文龍有老花。

林文龍變「阿爺」

事後，阿怡澄清並非捉弄文龍，只是測試對方的視力：「睇去到咩階段，配副咩眼鏡畀佢啫！」安仔則加入戰團說：「佢遠近都睇唔到！都好，我玩遊戲就咩都聽唔到，只係聽到有人嗌『阿姨』！」阿怡即笑言是一位來自馬來西亞的粉絲在叫她，安仔卻繼續爆料：「佢哋仲叫我『腳震安』喎！好慘呀！咪糾正佢哋，話晒我哋都係TVB小生花旦，一個叫『阿姨』，一個叫『腳震安』！」提到現場粉絲喪叫文龍做「龍爺」，兩人表示不知原因，安仔說：「佢成日喺片場認細，又話我係前輩，我心諗唔係啩？我哋堂堂後生仔點解要認阿爺，真係要問佢。」

林嘉華玩估字遊戲玩到瞓地，唔通咁易啲估？

林文龍被笑有視力問題，周勵淇快啲呵番佢喇！

另外，阿怡被指為生BB而在飯局上滴酒不沾，她說：「我從來唔喜好飲酒，何來戒酒？依家奶都戒埋。（話你老公羅仲謙打算買樓搵名校網？）冇呢個計劃，我都要問吓佢，又問吓安仔有咩好介紹。（有冇睇大單位？）依家屋企好夠、好舒服呀！」安仔則指她對小朋友相當緊張，將來定必是個好媽媽。