黃德斌有冇造人？
藝人黃德斌、余香凝及導演陳詠燊昨日出席電影《逆流大叔》謝票活動，宣布該片上映6星期，票房錄得1,350萬港元，台前幕後大感興奮，導演透露有意原班陣容再度合作，延續該片的精神。
前日小登科的德斌獲頒發「老襯謝票王」紙牌，以表揚他每場謝票均有現身。問到為何結婚翌日便投入工作？他說：「我淨係知今日要起身返工，做吓嘢都開心。（咁咪冇造人？）呢啲嘢咁私隱，總之我會保重身體啦！多謝大家關心。（唔去度蜜月？）遲啲先，太太公司都忙。」而余香凝被問到如何慶祝票房報捷？她笑說：「之前話大隻嗰啲除衫，所以等佢哋還完債先。」