愛爾蘭樂隊U2的58歲主音Bono周末於德國柏林開騷，疑因被台上煙霧效果影響失聲，被迫腰斬演唱會！
U2上周五首晚在柏林開騷，翌晚繼續表演，演唱會開始20分鐘，Bono唱到第4首歌《Red Flag Day》時失聲，下一首名曲《Beautiful Day》唱到一半亦中斷，他即時道歉表示可能受舞台煙霧效果影響喉嚨：「我諗我哋繼續唔到表演，咁對你哋唔公平。我向你哋保證我冇食煙，但個台好似一支大雪茄咁，我失咗聲，唔知點算。明明10分鐘前，我仲唱到好似雀仔咁。」他表示觀眾想回家可以離開，會擇日重開，不過他希望先暫停15分鐘看看喉嚨情況如何，又要求關掉煙霧機及調大冷氣，但樂隊最終還是未有再次現身，現場廣播宣布腰斬演唱會。
事後Bono隊友The Edge、Adam Clayton與Larry Mullen在官方網站發聲明道歉：「我哋好對唔住，今晚取消開騷，Bono本來狀態好好，我哋都期待第二晚喺柏林表演，但過咗幾首歌，佢完全失聲。我哋唔知咩事，依家接受緊醫生意見。一如以往，我哋多謝觀眾體諒，所有喺柏林觀眾嘅支持，同所有遠道而來嘅人，我哋會盡快畀最新消息你哋。」