楊洛婷爆老公絕密冧招

「火辣靚媽」楊洛婷為東網巨星節目「海馬牌床褥特約」《閨蜜睡房》擔任嘉賓，談到與老公Tim的情史，她笑言懷孕期間，老公已答應這一世愛她多過女兒，又指兩公婆甚少嗌交，她笑說：「佢有一套氹我嘅方法，成日話I Love You又話Give Me Hug（抱抱），佢對我做過最浪漫嘅係求婚嗰刻，因為我想生B，所以當日有少少逼婚，要佢同我求婚，又要咁、又要咁，所以佢都幾辛苦。」當年她身在澳洲抱住樹熊時，Tim向她求婚，她說：「原來我講過想喺樹熊包圍下被求婚，其實已經唔記得自己講過，但佢一直記住，我覺得好Sweet。」想知道她與老公更多閨房秘密？以及點解自嘲戲屎？即上東網App及東網網頁重溫《閨蜜睡房》！