郭采潔即興加戲攬攬黎燕珊

郭采潔笑言被黎燕珊所演的「喜寶」洗腦，要努力撇除對方影子。

重溫舊作

兩人首天工作就拍攝母女在床上互動的戲份，場面溫馨有愛，采潔還即場加戲，主動送抱，兩人真情流露，儼如真母女。采潔大讚黎燕珊是很可愛的前輩，初次見面已有種熟悉又親切的感覺：「佢多年來都冇變，一樣咁靚，真係好奇妙，佢當年拍《喜寶》時，我只有兩歲，依家可以一齊演出，真係好開心。」她又指決定接拍該片後，即找來黎燕珊所演出的版本欣賞，但由於印象太深刻，所以要努力撇除對方影子重新演繹。

度期參演

至於黎燕珊亦認為今次機會難逢：「最初導演王丹陽邀請我演出嘅時候，因為已經接咗劇集《多功能老婆》，一度配合唔到時間，但我覺得呢個係好難得嘅機會，唔係好多演員可以喺30年後再演同一部戲。」她又慶幸自己三十年來樣貌改變不多。

黎燕珊慶幸能重演30年前的作品。

郭采潔擁着「媽咪」在床上談心。