張智霖唔追囡等抱孫

藝人張智霖與陳慧琳（Kelly）昨日出席活動，見他一手抱起兩個小女孩，問到是否想追女？他說：「唔使喇！不如等阿仔生多個畀我，等七年後佢18歲就得喇！（咁快做老竇你唔驚咩？）唔驚！我湊囉！到時先55歲做阿爺仲好有型，可能啲人以為我係阿哥添！」張智霖與「靚靚」袁詠儀結婚17年，講到他早前完成眼部手術，現時看太太是否靚了很多？他笑說：「依家先知佢咁靚，唔止靚靚，係靚靚靚！」其實做咗十幾年夫妻，唔通做完手術先發現老婆靚咩？