鄭希怡遭黑客勒索拒畀$400贖金

鄭希怡不時在Ig分享母女照，但被「黑」後已清空。

經常在Instagram（Ig）晒相的Yumiko，昨日在社交網發文指突然不能登入帳號，內裏相片更被清空！及後經官方電郵回復帳戶，但發現個人資料全被更改，還被疑似黑客勒索50美元（約392港元）換回原本的用戶名稱，惟她堅決不屈服，並提醒各位使用社交網時應加倍小心。她接受本報訪問時表示：「我將件事講出嚟係希望大家將來如果遇到類似情況，唔需要咁擔心，只要Check番登記嘅郵箱，就有機會搵番自己個帳號。（考慮報警？）暫時冇乜損失，報警就未必。」

朱韻韻被威脅刪戶

至於朱韻韻同樣遇到類似情況，她受訪時表示前晚發現無法登入Ig後，即收到不明來歷的電郵通知出問題：「我用Email問佢點先攞得番個帳戶，對方就話要畀600蚊美金（約4,700港元），仲指明用比特幣！我覺得有唔妥所以冇再覆佢，點知佢不斷轟炸，仲話如果唔畀錢就永遠Delete我個帳戶。」她表示現已透過官方奪回帳戶，並指因事出突然而未有報警，但若有粉絲因此受騙，將會報警處理。

另外，近日有人假冒譚詠麟開設Ig，他得知後於社交網發文澄清，並強調該用戶發出的工作邀請，全部未有他本人及公司的授權。

朱韻韻同樣遭勒索，對方還要挾夠鐘便「撕票」刪戶！

譚詠麟被冒認開Ig，急澄清以防有人受騙。