香香勤增肥：想畀人搣面珠
藝人岑麗香及李佳芯（Ali）昨日到中環出席「FWD MAX衝破極限挑戰賽2018」活動，跟TVB已完約的香香早前放假返加拿大，叉足電表現風騷，但似乎變得更瘦，她搞笑地說：「我係應肥則肥，今日着咗Tee，肥咗喺啲地方你哋唔覺啫！我都冇乜刻意減肥，可能做好多運動。（養肥身體準備生BB？）增肥唔止呢樣嘢！可以個樣肥美啲，畀人搣吓面珠墩都好！」是否正努力「造人」？她表示努力中。
提到有傳好友鍾嘉欣已誕第二胎，香香笑言不知道：「唔知呀！知都（答）唔知呀！我對住塊鏡練咗好耐，練100句『唔知道』，總之有消息就等當事人公布。」
同場的Ali被問到有指胡定欣不續約TVB，她表示自己去年才續約，但沒想過因此有更多機會：「公司有咁多劇，好多同事都有機會有唔同演出。（爭視后機會高啲？）獎項係睇番嗰年嘅表現，唔代表一直喺度就有嘅，最緊要做好自己。」