對於工藤佑采的惹火言論，她選港姐時的提名人、名媛陳君宜表示沒留意，但認為她性格率直，有時會得罪人，但相信並非博上位：「同佢相處落會發現佢有自己一套，有自己嘅想法，當然有時太直並唔係好事，其實有時我都畀佢激到嘔血。（會唔會勸吓佢？）都會，會叫佢喺網上寫嘢要小心用語，我都想佢好，唔想佢嘅言論令人反感。不過，佢性格係咁，未必聽我講，我個仔都未必聽我講啦！」
至於之前公開表示欣賞工藤的歌手張敬軒，覺得她是直腸直肚的女生，對於今次事件，他以前輩身份提點：「唔好太急於反駁人哋對自己嘅意見或評論，有則改之，無則加勉，用自己嘅努力同成績去說服人。」