落選港姐工藤佑采早前被指因比賽當晚落選後，仍要做布景板跳舞娛賓，故出現黑面兼甩Beat，成為網民熱話。事隔數天，她在社交網上載兩張展露「微微的笑容」的自拍照，有網民讚「其實你笑仲好睇呀，笑多啲啦。」但亦有網友表示：「點解我覺得你黑面會靚女啲？」有指她在港姐綵排時不認真，表現不積極兼比賽當日不願上台跳舞，昨日她在社交網發文反擊：「我幾時有拒絕過落選之後要上台跳舞？講到好似佢哋束手無策咁。唔鍾意我都唔使黑我o架，比賽咁多奇怪事情我都冇講出嚟，比賽最後一個星期要冇跳舞底嘅我哋學四個舞，你期望可以跳到dancer咁？根本就是佢唔要你，都唔畀生路你行……人在做天在看。」