王菀之唔怕醜落台同老公握手

王菀之獻唱多首歌之餘，亦與歌迷互動。

Ivana一連兩場的《下北沢的北極光音樂會》順利完成，在最後一場時繼續和台下歌迷分享音樂旅程，當唱到經典日劇主題曲時，她走到台下和歌迷握手互動，掀起高潮。之後走到前排觀眾席跟老公握手，Eric So以雙手緊握着她回禮，全場即時歡呼狂叫，搞到Ivana冧得「蹦蹦跳」！

氣氛好溫暖

完騷後接受訪問，提到在台下與老公握手時，剛好唱到《融了鐘的時間》中的歌詞「敢講非你不嫁」，Ivana笑說：「係現場氣氛令我唔怕醜到呢個地步！平時都會諗擺佢邊個位盡量冇人見到，佢又怕醜，我又怕醜，但頭先個氣氛好溫暖，大家瞬間好似變咗好多朋友喺度咁。（老公有咩反應？）我冇睇呀，我望地下咋！」

王菀之與老公握手惹來全場起哄。	容祖兒捧場睇騷，更到後台送愛的抱抱。	王菀之走到觀眾席拉近與歌迷的距離。

棟篤笑冇人笑

至於台上她重複講到「兩個人旅行，三個人返」，問到是否很想成為事實？她說：「唔係咁樣講，係Band Leader Alex成功咗，好幸福。（你都向呢個方向？）我有我嘅幸福啫！」她表示將會拍電影，未有時間與老公旅行，又笑言今次是她有史以來說話最多的音樂會，綵排時導演問她可要安排棟篤笑及音樂會各佔一半，因她的音樂團隊都很有幽默感，但她發覺講出來只有自己識笑，最終還是和大家分享多些音樂。