吳若希麥美恩平分秋色限奶令冇符

森美表面嫌棄拍檔，但實質卻笑料百出擦出火花。

森美早前到日本拍攝無綫節目《森美旅行團》，對於成員由上輯的高海寧、黃心穎換上丁子朗及吳若希，他笑說：「呢輯簡直不知所謂，上次話晒都有三個女仔，啲朋友都話正，今次冇人羨慕，人妻都唔止，仲要係人母，令人冇晒遐想！加埋個小鮮肉，直情係錯誤配搭，我直情唔想拍。」吳若希笑說：「我仲係一個少女嚟o架，我嘅螢幕初浸好吸引。」

森美嘲笑麥美恩與吳若希浸溫泉的鏡頭，不及他與丁子朗浸溫泉惹人熱議：「佢哋係唯一衝破到限奶令浸溫泉嘅女藝人，點解衝破到？大家諗吓喇。」麥美恩笑說：「我已經盡量拉到好低。」森美笑說：「你拉到落肚臍都過到電檢。」吳若希笑說：「我一向Sell樣，唔係身材，所以浸剩個樣。」

麥美恩與吳若希難得出浴，卻被森美取笑冇睇頭。

森美投訴「小鮮肉」丁子朗太搶Fo。

丁子朗電到硬軚

森美原打算操弗騷肌，但得知有「小鮮肉」丁子朗加入後就決定放棄。丁子朗提到浸「電氣風呂」時感覺難受：「真係好大鄉里，冇諗過日本人會擺啲電喺溫泉裏面，啲人覺得享受，我就覺得難受，第一次唔係咁舒服，隻腳硬咗，估唔到咁痛，成個人硬晒郁唔到。」