陳奕迅重組Duo Band：盧凱彤無可替代

陳奕迅自稱有三個靈魂，可以唔使瞓覺。

對於Duo Band成員盧凱彤早前逝世，Eason說：「個騷係會繼續進行，阿妹（盧凱彤）呢個位置仲度緊，其實冇人可以代替，舉例搵林二汶都對佢唔公平，搵任何人都唔公平，依家科技嘅技術應該做到，咁阿妹嘅結他係錄咗，聲係可以永遠流傳。」

「好掛住佢」

他慶幸當日與盧凱彤拍完MV，有請對方到他公司率先睇，而另一首MV她亦有參與拍攝，期間Eason忍不住說：「我係好掛住佢！」主持人又叫他模仿其中一位Duo Band成員，他坦言第一個諗起盧凱彤，並學對方睜大眼說：「真係o架？」問到將來會否搞售票的演唱會？他直言：「未有耐。」並大談黃牛黨問題：「郵寄得唔得？好似以前舊戲院咁用畫飛，我好老土。」

洗公廁馬桶

之後Eason自爆有強迫症，例如用完酒店毛巾，一定要對角摺；沖涼後會用腳掃地下的水入水渠，及愛用花灑淋牆；去公廁「解決」後會清潔馬桶才離開等。他又講笑指自己不用睡覺的理由，是因為擁有天使、英國女人和外星人的靈魂：「全港有8個人有3個靈魂，我係其中一個，佢哋瞓覺時間唔同，所以有時唔使瞓。」

患有強迫症的陳奕迅有很多奇怪習慣。

陳奕迅坦言很掛念盧凱彤。