曾樂彤擬凍卵：唔會為生B趕結婚
樂壇新人曾樂彤日前接受東網巨星節目訪問，大談少女心事，並教大家「愛情攻略」。她又自爆有意凍卵，不用擔心趕結婚生仔的問題。
由KOL化身歌手的曾樂彤深受網民喜愛，近日她推出情歌《青春、戀愛和意外》，於東網巨星節目化身愛情專家，與大家暢談感情事。
睇到萬劫不復
提到有女士會Check另一半電話，樂彤坦言是「自殺式」行為：「因為無論你Check唔Check到，都會墮入萬劫不復嘅氹，因為你覺得冇嘢，就會問點解冇嘢，之後你會一直睇一直睇，睇到你發現有古怪嘅時候，你更加要睇，所以呢個行為係傷害自己，又唔知點同另一半講。」
與男友游學修感情穩定的她，自爆有凍卵的想法：「有啲女士為『趕尾班車』急住結婚生仔，其實現今科技好進步，可以去凍卵。其實自己無論結唔結婚，我都Plan咗會去凍卵，因為我唔會為咗生小朋友而逼自己做任何決定。」
去旅行互相尊重
樂彤還給予大家與另一半出遊的小貼士：「要互相尊重大家想去嘅地點，可能對方好鍾意睇波鞋，即使你有幾唔鍾意都好，都可以嘗試了解啲波鞋。到去我自己喜歡嘅地點，我又會同佢分享點解自己咁喜歡，畀佢了解我嘅喜好。」
https://bit.ly/2MEUrZ6