霆鋒打拳向對手教路
謝霆鋒早前為代言了18年的運動品牌拍攝新一輯廣告，當中他要舉重、做引體上升、拖車胎，仲打埋拳，拍攝時他為了呈現最好的效果，每個項目無論鏡頭前後，他都不停做，完全不索氣，因為閒時他都會跑步運動：「我鍾意跑街，因為冇咁侷促，又可以呼吸新鮮空氣。」拍攝打拳時，他還客串做武術指導，教「對手」點打，齊齊度招式。
前日是他39歲生日，在拍攝花絮中，他提到與品牌的淵源，當年客戶去看他的演唱會，當時他為個唱設計了一個火形結他，那是Viva首歌的主題，他說：「佢唔知點將結他嘅形象轉化到一對波鞋，結果我哋就談上咗，鞋款亦成為品牌最具代表性嘅一個款式，直至依家每年都有一款新，呢個18年係好唔容易。」另外，他以「月餅蛋糕」慶祝生日，相當有心思。