爆肌影半裸相陳山聰出寫真？

無綫劇集《十八年後的殺人告白》演員譚俊彥、黃智雯、楊秀惠、陳山聰等與幕後工作人員在佐敦舉行煞科宴。陳山聰為劇集操得一身爆肌，楊秀惠等友人看過相片更慫恿他出寫真，他笑說：「搵咗個攝影師影咗輯半裸相，出唔出寫真就再打算。女友反而冇乜反應，佢叫我唔好成日擺甫士，因為做完Gym我成日對住塊鏡擺甫士，成日問佢得唔得，佢就話得o架喇！」而飾演啞女的楊秀惠拍攝時經常要爆喊，開工情緒低落，煞科終於開心番。